Vüqar Məmmədovun məhkəmə tarixi dəyişdi

Xəbər verdiyimiz kimi, dünən Bakı Ağır Cinayətlər Məhkəməsində "Hürriyyət" qəzetinin və Hurriyyet TV-nin baş redaktoru Vüqar Məmmədovun (Tofiqoğlu) növbəti məhkəmə prosesi keçirilib. İclasın sonunda növbəti məhkəmə prosesinin avqustun 12-də baş tutacağı elan olunub.

Hurriyyet.media - nın məlumatına görə, bu gün qeyri-müəyyən səbəblərdən V. Məmmədovun məhkəmə tarixi əvvələ çəkilib. Belə ki, Bakı Ağır Cinayətlər Məhkəməsindən Baş redaktorun vəkilinə zəng olunaraq Vüqar Məmmədovun növbəti məhkəmə prosesinin 9 gün irəli çəkilərək avqustun 3-də baş tutacağı haqda məlumat verilib.

Məhkəmənin hansı saatda keçiriləcəyi ilə bağlı oxucularımıza əlavə məlumat verəcəyik.

Jalə FAMİLQIZI

Hurriyyet.media