Volodimir Zelenski Moskva vilayətinə zərbələri “Ədalətli cavab” adlandırıb

Ukraynanın “uzaqmənzilli sanksiyaları” Moskva regionuna çatıb və ruslara onların dövlətinin müharibəni dayandırmalı olduğunu açıq şəkildə göstərib.

APA xəbər verir ki, bu barədə Ukrayna Prezidenti Volodimir Zelenski Telegram kanalında paylaşım edib. O bildirib ki, bunlar “Rusiyanın müharibəni uzatmasına və şəhərlərimizə, əyalətlərimizə endirdiyi zərbələrə tamamilə ədalətli cavabdır”.

“Bu dəfə Ukraynanın uzaqmənzilli sanksiyaları Moskva regionuna çatdı və biz ruslara açıq şəkildə deyirik: onların dövləti öz müharibəsini dayandırmalıdır”, - deyə dövlət başçısı vurğulayıb.