Rusiyalı generaldan SƏRT XƏBƏRDARLIQ: "Kiyevin mərkəzinə kütləvi zərbə endiriləcək"

Rusiya Dövlət Duması Ukrayna Silahlı Qüvvələrinin Rusiyanın cənubuna hücuma görə Kiyevin bombalanmayacağını bəyan edib.

Hurriyyet.az  xəbər verir ki, bu barədə Dövlət Dumasının Müdafiə Komitəsinin üzvü, general-leytenant Viktor Sobolev danışıb.

Sobolevin sözlərinə görə, Moskva yalnız 9 May bayramını pozmaq məqsədilə paytaxta qarşı kütləvi hücum təşkil ediləcəyi təqdirdə Kiyevə adekvat cavab verəcəyinə söz verib:

"Əgər Kiyev qəfildən bizim böyük bayramımızı pozmaq məqsədilə 9 Mayda Moskvaya kütləvi zərbə endirmək qərarına gələrsə, biz Kiyevin mərkəzinə sarsıdıcı zərbə endirəcəyik. Başa düşmək lazımdır ki, Rusiya prezidenti tərəfindən konkret tapşırıq qoyulub – söhbət bayram günlərində Moskvaya ediləcək hücuma veriləcək sərt cavabdan gedir. Atəşkəsin cari pozulması halları isə bu cavab tədbirləri çərçivəsinə daxil deyil", - deyə deputat vurğulayıb.

Xatırladaq ki, bundan əvvəl Ukrayna tərəfinin Rusiyanın cənub bölgələrində hava hərəkətinə maneələr yaratdığı barədə məlumatlar yayılıb.