Netanyahu Trampla danışacaq

İsrailin Baş naziri Benyamin Netanyahu ilə ABŞ Prezidenti Donald Tramp arasında telefon danışığı olacaq.

Modern.az xəbər verir ki, bu barədə Netanyahunun ofisi məlumat yayıb.

Netanyahu bildirib ki, mayın 17-də reallaşacaq söhbət zamanı həmkarının Çinə etdiyi rəsmi səfərin təəssüratlarını dinləmək niyyətindədir.

Baş nazir, həmçinin regiondakı təhlükəsizlik məsələlərinə, xüsusilə İran faktoruna toxunub. O vurğulayıb ki, İsrail dövləti regional təhdidləri nəzarətdə saxlayır:

"Biz İranı diqqətlə izləyirik. Əlbəttə ki, variantlar çoxdur və biz istənilən ssenariyə tam hazırıq", - deyə Netanyahu əlavə edib.