Mağazadan 20 min oğurlayan maskalı şəxs tutuldu - Foto

Şirvanda inşaat materialları mağazasından 18 327 manat və 800 ABŞ dolları oğurlanması barədə polisə məlumat daxil olub.

Hurriyyet.media xəbər verir ki, Şirvan ŞPŞ-nin keçirdiyi tədbirlərlə əməli törətməkdə şübhəli bilinən əvvəllər də məhkum olunmuş 35 yaşlı Valid Əhmədov saxlanılıb.

Saxlanılan şəxsin həmin mağazadan oğurluq etməyi qabaqcadan planlaşdırdığı, hadisə zamanı isə maska və əlcəkdən istifadə etdiyi müəyyən edilib.

Faktla bağlı cinayət işi başlanılıb, V.Əhmədov barəsində məhkəmənin qərarı ilə həbs qətimkan tədbiri seçilib.