İsrail Qəzzadan çıxmır: Baş nazir şərtini açıqladı

İsrailin Baş naziri Binyamin Netanyahu HƏMAS tam tərksilah olunana və Qəzza zolağı demilitarizasiya edilənədək İsrail ordusunun bölmələrinin bu ərazidə nəzarəti saxlayacağını bəyan edib.

Hurriyyet.Media xəbər verir ki, İsrail hökumətinin rəhbəri ordunun bölgədəki hərbi mövqelərini qoruyub saxlayacağını vurğulayıb.

"Bu gün biz əraziyə nəzarət edirik və bu xətt üzərində qalırıq. Hələ tamamlamalı olduğumuz işlər var və biz onları sona çatdıracağıq – HƏMAS tərksilah olunana və Qəzza demilitarizasiya edilənə qədər. Qəzza bir daha İsrail üçün təhlükə mənbəyi olmayacaq", – deyə Binyamin Netanyahu bildirib.

İsrail Baş nazirinin bu bəyanatı Tel-Əvivin Qəzza zolağındakı hərbi varlığını uzunmüddətli dövrdə də sürdürəcəyini göstərir.