İcbari sığortada yeni qaydalar: Qəza edən sürücülər...

Bu gündən avtomobil sahibləri üçün yeni sığorta qaydaları qüvvəyə minib. Yeni qaydalara görə, icbari sığorta haqqı sürücünün sığorta tarixçəsinə əsasən müəyyən ediləcək. Qəza törətməyən sürücülər sığorta haqqına endirim qazanacaqlar. Təqsirkar olduqları yol-nəqliyyat hadisəsinə görə sığorta ödənişi edilən sürücülər isə daha çox pul ödəyəcəklər.

Bəs yeni sistem sürücülərin xərclərinə necə təsir edəcək? Bu dəyişikliklər yol hərəkəti iştirakçılarının davranışına təsir göstərəcəkmi və sığorta sistemində hansı yeniliklərə səbəb olacaq?

Mövzu ilə bağlı Publika.az-ın suallarını cavablandıran nəqliyyat eksperti Eldəniz Cəfərov bildirdi ki, yeni sistem ümumilikdə sürücülərin xərclərinə təsir göstərəcək. Onun sözlərinə görə, xüsusilə qəza törətmiş sürücülər növbəti sığorta dövründə daha yüksək məbləğ ödəməli olacaqlar.