Hüseyn Quliyev 1-ci dərəcəli "Vətənə xidmətə görə" ordeni ilə təltif edilib

Azərbaycanın Özbəkistandakı səfiri Hüseyn Quliyev 1-ci dərəcəli "Vətənə xidmətə görə" ordeni ilə təltif edilib.

Hurriyyet.info xəbər verir ki, Prezident İlham Əliyev bununla bağlı Sərəncam imzalayıb.

Sərəncamla o, bu mükafata Azərbaycanın diplomatik xidmət orqanlarında uzunmüddətli səmərəli fəaliyyətinə görə layiq görülüb.

Qeyd edək ki, Özbəkistan Prezidenti Şavkat Mirziyoyev bu gün respublikadakı diplomatik missiyasını başa çatdıran Azərbaycan səfiri Hüseyn Quliyevi qəbul edib və iki ölkə arasındakı münasibətlərinin möhkəmləndirilməsində böyük töhfəsinə görə ona "Mehnat Shuhrati" ordenini təqdim edib.

Xatırladaq ki, müvafiq sərəncamla H.Quliyev 2012-ci ildən Azərbaycanın Özbəkistandakı səfiri təyin olunub. Sabah, iyunun 23-ü onun 80 yaşı tamam olur.