Cənubi Afrikada avtobus qəzasında 16 nəfər ölüb, 20 nəfər yaralanıb

Cənubi Afrikanın Qərbi Keyp əyalətində sərnişin avtobusunun aşması nəticəsində azı 16 nəfər həlak olub, 20 nəfər yaralanıb.

Hurriyyet.info Cənubi Afrika mediasına (İOL) istinadla xəbər verir ki, 73 sərnişini daşıyan avtobus sürücünün idarəetməni itirməsi nəticəsində yoldan çıxaraq aşıb.

Yaralılar xəstəxanaya yerləşdirilib. Hadisə ilə əlaqədar magistral yolda hərəkət məhdudlaşdırılıb.

Qəzanın səbəbləri Cənubi Afrika Polis Xidməti və aidiyyəti qurumlar tərəfindən araşdırılır.