Bundestaqda TARİXİ QƏRAR: Almaniya ABŞ-dən milyardlarla dollarlıq "Tomahawk" raketləri ALIR

Almaniya Müdafiə Nazirliyi ölkə ordusunun (Bundesver) silahsızlanma tarixində dönüş nöqtəsi olacaq nəhəng hərbi müqavilə imzalamağa hazırlaşır.

Hurriyyet.media  xəbər verir ki, bu barədə "POLITICO" nəşri Almaniya hökumətinin daxili sənədlərinə istinadən məlumat yayıb.

Məlumata görə, Berlin ABŞ-dən "Typhon" qurğuları və uzaq məsafəli "Tomahawk" qanadlı raketlərinin alqısı üçün təxminən 3,4 milyard avro vəsait ayırmağı planlaşdırır. Bu sövdələşmə reallaşarsa, Bundesver tarixində ilk dəfə olaraq öz birbaşa sərəncamında yerüstü bazalaşmaya malik uzaqmənzilli və yüksək dəqiqlikli raket silahı əldə edəcək.

Bu satınalma qərarı Donald Tramp administrasiyasının daha əvvəl nəzərdə tutulan planlaşdırmadan-yəni ABŞ-nin birbaşa nəzarəti altında olan Amerika raketlərinin Almaniya ərazisində yerləşdirilməsindən imtina etməsindən sonra verilib. Vaşinqtonun bu addımına cavab olaraq Berlin həmin raket sistemlərini tam mülkiyyətinə keçirmək və müstəqil idarəetməni təmin etmək qərarına gəlib.

Bundan əlavə, FRQ hökuməti Avropa istehsalçılarını da təchizat zəncirinə və komponentlərin birgə istehsalına cəlb etməyi hədəfləyir, lakin müqavilənin yekun detalları hələ tam təsdiqlənməyib.