AMB "Tiko Azərbaycan"a icrası məcburi göstəriş verib

Azərbaycan Mərkəzi Bankı (AMB) "Tiko Azərbaycan " MMC-yə icrası məcburi göstəriş verib.

Hurriyyet.Media bu barədə AMB-yə istinadən xəbər verir.

Məlumata görə, "Ödəniş təşkilatları və elektron pul təşkilatları tərəfindən fəaliyyətin təşkili və həyata keçirilməsi Qaydası"nın 4.3-cü bəndi ilə əlaqəli məcmu kapitalın minimum miqdarına olan tələbin pozuntusu halının aradan qaldırılması, habelə daxili nəzarət sistemlərinin təkmilləşdirilməsi ilə bağlı "Ödəniş xidmətləri və ödəniş sistemləri haqqında" qanununun 63.1-ci maddəsinin tələbləri rəhbər tutularaq şirkətə icrası məcburi göstəriş verilib.