“Ağ bayraq qaldırın” – Tramp Tehrana ultimatum verdi

ABŞ prezidenti Donald Tramp İranla bağlı sərt açıqlama ilə çıxış edib.

Musavat.com xəbər verir ki, Tramp İranı faktiki olaraq kapitulyasiyaya çağırıb.

O bildirib ki, Vaşinqton artıq əvvəlki kimi davranmayacaq: Biz artıq belə oynamırıq. Biz köhnə üsulla hərəkət edirik.

ABŞ prezidenti əlavə edib ki, Tehran “ağ bayraq qaldırmalıdır”: Onlar çox qürurludurlar, bəlkə də ağ bayraq görməyəcəksiniz, amma əslində artıq... onlara lazımdır – ağ bayraq, təslim bayrağı qaldırsınlar.

Bundan əvvəl Tramp İranın mümkün atəşkəs pozuntusu ilə bağlı suala da qeyri-müəyyən cavab verib. Onun sözlərinə görə, belə bir hal baş verərsə, bunu özü açıqlayacaq və Tehran “nə etməməli olduğunu yaxşı bilir”.