ABŞ İrana 300 milyon dollar ödəyəcək? - Tramp qəzəbləndi

ABŞ prezidenti Donald Tramp İrana planlaşdırılan ödənişlər barədə məlumatları məqsədli yalan adlandırıb.

Hurriyyet.info  xəbər verir ki, Vaşinqton administrasiyasının rəhbəri Truth Social-da yazıb:

"İran heç vaxt nüvə silahına sahib olmamağa razılaşıb. ABŞ-ın İrana 300 milyon dollar ödəyəcəyi barədə dərc edilən məlumat faktların qəsdən təhrif edilməsidir".

Tramp Demokratları bu məlumatı yaymaqda günahlandırıb.

Maraqlıdır ki, Tramp 300 milyon dollarlıq ödəniş barədə yazıb, lakin bəzi media orqanları əvvəllər İranın bərpa üçün 300 milyard dollarlıq fonda çıxış əldə edə biləcəyini bildiriblər.